Դոն Պիպոյի սպանությունը նախապատրաստելու գործով ձերբակալվել է 3 անձ. ՔԿ

15 total views, 1 views today

ՀՀ ՔԿ ՀԿԳ քննության գլխավոր վարչությունում վարույթ է ընդունվել մի խումբ անձանց կողմից սպանության նախապատրաստության դեպքի առթիվ մայիսի 24-ին հետաքննական մարմնում հարուցված քրեական գործը։

Հիշեցնենք, որ խոսքը Քրեական հեղինակություն Դոն Պիպոյի (Արթուր Ասատրյան) սպանությունը նախապատրաստելու դեպքի առթիվ հարուցված քրեական գործի մասին է:

Սպանություն նախապատրաստելու և ապօրինի զենք, ռազմամթերք ձեռք բերելու և պահելու կասկածանքով ձերբակալվել է 3 անձ Նրանց անունները այս պահին իրավապահ մարմինները չեն հայտնում:

ՀՀ քրեական օրենսգրքի 35-104-րդ հոդվածի 2-րդ մասի 7-րդ կետով և 235-րդ հոդվածի 2-ի մասի հատկանիշներով հարուցված քրեական գործով նախաքննությունը ՀԿԳ քննության գլխավոր վարչությունում շարունակվում է և իրականացվում են անհրաժեշտ քննչական և դատավարական այլ գործողություններ՝ դեպքի բոլոր հանգամանքները պարզելու ուղղությամբ։

Քննության շահերից ելնելով՝ նախաքննության այս փուլում այլ մանրամասներ հրապարակման ենթակա չեն։