Калькулятор расчета монолитного плитного фундамента тут obystroy.com
Как снять комнату в коммунальной квартире здесь
Дренажная система водоотвода вокруг фундамента - stroidom-shop.ru

«Ելք»-ը պետք է Սերժ Սարգսյանի իմպիչմենտի հարցը բերեր օրակարգ

67 total views, 1 views today

 

«Ես չգիտեմ, թե հունվարի 19-ին մարդիկ դուրս կգան փողոց, թե ոչ, բայց վստահության առումով խնդիր եմ տեսնում»,- «Առաջին լրատվական»-ի հետ զրույցում ասաց իրավապաշտպան Արթուր Սաքունցը։

Նրա խոսքերով՝ «Ելք» դաշինքը ինչպես ժամանակին ձեռնարկեց Հայաստանի ԵԱՏՄ-ից դուրս գալու գործընթացը, այնպես էլ պետք է Սերժ Սարգսյանի իմփիչմենթի գործընթաց սկսեր՝ կապված Հայաստան-Իրան սահմանին ռուսական ռազմաբազայի կողմից Հայաստանի տարածքում ճանապարհի շինարարությունը խոչընդոտելու հարցով, որը, ըստ էության, ինքնիշխանության դեմ ուղղված քայլ էր։ «Այս հարցը, որը բավական մեծ հնչեղություն ստացավ, չստացավ համապատասխան արձագանք։ Կան հարցեր, որոնց վերաբերյալ քաղաքական ուժը պետք է համարժեք, նույնատիպ մոտեցում, վերաբերմունք ցուցաբերի։ Բայց քանի դեռ նման մոտեցում չկա, բնականաբար, վստահության հետ կապված հարցը դրվում է կասկածի տակ»,- ասաց իրավապաշտպանը։

Մեր դիտարկմանը, թե երբ «Ելք»-ը սկսել էր ԵԱՏՄ-ից դուրս գալու հարցի քննարկումը, կարծիքներ էին հնչում, որ դա անարդյունք գործընթաց է, քանի որ դրա շուրջ կոնսոլիդացիա չկա, Սաքունցը արձագանքեց․ «Դա կարևոր չի։ Կարևորն այն է, որ դիսկուրս ծավալվեց, հարցը բերվեց օրակարգ։ Նմանապես մեզ ԵԱՏՄ ընդգրկելու հարցը նույնպես Սերժ Սարգսյանը որոշեց, ու, հետևաբար, նրա իմպիչմենթի հարցը պետք է օրակարգ բերվեր, բայց չբերվեց։ Եվ չկա որևէ ողջամիտ բացատրություն»։