//
Калькулятор расчета монолитного плитного фундамента тут obystroy.com
Как снять комнату в коммунальной квартире здесь
Дренажная система водоотвода вокруг фундамента - stroidom-shop.ru

Զինված միջադեպի գործով հարցաքննվել է Գագիկ Ծառուկյանի որդին

115 total views, 1 views today

news.am-ը գրում է.

Աբովյան քաղաքում գործող «Պարտեզ» ռեստորանային համալիրի մոտ հունվարի 28–ի լույս 29-ի գիշերը տեղի ունեցած զինված միջադեպի գործով հարցաքննվել է ԲՀԿ ղեկավար Գագիկ Ծառուկյանի ավագ որդին՝ Նվեր Ծառուկյանը։ Այս մասին NEWS.am–ին ասաց Ծառուկյանի մամուլի խոսնակ Իվետա Տոնոյանը։

«Գագիկ Ծառուկյանի որդին առնչություն չի ունեցել այդ միջադեպին, սակայն  գործի շրջանակներում հարցաքննվել է և պարզվել է, որ նա որևէ մասնակցություն չի ունեցել միջադեպին»,–ասաց նա՝ նշելով, որ Նվեր Ծառուկյանի միջադեպի պահին այլ վայրում է գտնվել։

NEWS.am-ի հետ զրույցում ՀՀ քննչական կոմիտեի նախագահի խորհրդական Սոնա Տռուզյանը հայտնեց, որ քրեական գործով հարցաքննվել են և շարունակվում են հարցաքննվել տարբեր անձինք. «Նրանց  թվում հարցաքննվել է նաև Նվեր Ծառուկյանը»,–ասաց նա։

Ավելի վաղ  տեղեկացրել ենք, որ հունվարի 29-ին՝ ժամը 01.30-ի սահմաններում, ահազանգ է ստացվել հրազենային վնասվածքներով մի քանի երիտասարդի՝ «Աբովյան» Բ/Կ տեղափոխվելու մասին, որոնցից մեկը եղել է մահացած։

Նախնական տվյալներով՝ «Պարտեզ» ռեստորանային համալիրի մոտ տեղի է ունեցել վիճաբանություն, ինչը վերածվել է զինված միջադեպի, օգտագործվել հրազեն։

Հնչած կրակոցների հետևանքով կյանքի հետ անհամատեղելի մարմնական վնասվածքներ է ստացել Աբովյանի քաղաքի բնակիչ Արտաշես Գևորգյանը՝ ծնված 1989թ., ևս 7 անձ՝ ստացել տարբեր աստիճանի վնասվածքներ։

Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 6-րդ, 7-րդ, 10-րդ կետերի, 34-104-րդ հոդվածի 2-րդ մասի 1-ին, 6-րդ, 7-րդ, 10-րդ կետերի, 235-րդ հոդվածի 1-ին մասի և 258-րդ հոդվածի 4-րդ մասի հատկանիշներով։  Քրեական գործով ձերբակալվել է երկու անձ։ Նրանցից  Շանթ Մանուկյանը՝ ԱԺ նախկին պատգամավոր Մելիք Մանուկյանի որդին ձերբակալվել է  խմբի կազմում խուլիգանություն կատարելու,  իսկ Արթուր Վարդանյանը սպանության փորձ եւ զենքի գործադրմամբ խուլիգանություն կատարելու կասկածանքով:

 Նշենք, որ «Պարտեզ» ռեստորանը պատկանում է ԱԺ նախկին պատգամավոր, Շշի Մելո մականունով հայտնի Մելիք Մանուկյանին։